عمرو أديب: «افتح الأسواق بكرة وبص على سعر الدهب».. فيديو

حذر الإعلامي عمرو أديب من تداعيات المناوشات التي تتم حاليا بين الصين وتايوان، قائلا: "افتح الأسواق وبص بكرة على سعر الدهب وأنا بقول ده بدون حرب.. الناس دي بتتفسح في البحر كده وهنشوف التأثير".

وتابع عمرو أديب، خلال حلقة برنامج "الحكاية"، المذاع على فضائية "إم بي سي 2 مصر"،: "أنا هدفي إن الناس اللي بتتفرج على البرنامج يعرفوا اللي بيحصل من توترات بدون رجوع لخلفيات النزاع بين الطرفين".

وأشار إلى أن الجميع يعلم أن الجيش الصيني لديه قدرات هائلة ولا تخفى على أحد وإذا ما تم استخدامها سيكون الموضوع صعب على الجميع.

وتابع: "إحنا كمصر الموضوع يهمنا في إيه؟.. يهمنا في إن نص تجارة العالم بتمر من خلال الصين.. والصين لما اتاوبت في الكورونا شوفنا اللي حصل في الأسعار والمنتجات اتأثرت أد إيه؟.. أنا بلفت انتباهكم لحاجة خطر ممكن تحصل على الجميع".