«قادر ويعرف يحتويني».. رضوى الشربيني تكشف مواصفات رجل أحلامها

كشفت الإعلامية رضوى الشربيني، عن المواصفات التي تتمناها في رجل أحلامها.

وقالت رضوى الشربيني، خلال حديثها ببرنامج "أنا والقناع": "لازم يكون راجل قادر عشان أنا ست قادرة، والعفو عند المقدرة، بمعني أنه مش هيبص على أخطائي ولا هيتلككلي ولا هيبص على عيوبي".

وأضافت: "عايزاه راجل قوي، يقويني ويبقى ضهري وسندي، قوته دي يستعملها معايا مش عليا، ولا يعمل حاجة تجرحني".

وتابعت: "لازم يكون ناجح، مقدرش أتجوز راجل مش ناجح ولا أنا أنجح منه، ويراعي ربنا في معاملة الناس".

وأكملت: "يكون بيحبني قوي ويحتويني، ويعرف يتعامل معايا ويكون حنين، طيب، دمه خفيف، شيك كده في نفسه".