تامر حبيب: «خرمت ودني ولبست حلق.. ومش بصوم بقالي 5 سنين»
حل السيناريست تامر حبيب ضيفًا على برنامج حبر سري الذي تقدمه الإعلامية أسما إبراهيم، ورد خلال الحلقة على انتقادات البعض له بعد ظهوره بحلق في أذنيه.
وقال تامر حبيب: «وداني مخرومة وبلبس حلق، بس مش بلبسه كل يوم، بلبسه لما بكون في حاجة ليها علاقة بالظهور في التلفزيون أو مناسبة، ومش بلبسه عشان مبقاش مُستفز للبعض، والصورة اللي ناس علقت عليها كانت في حفلة بره مصر».
وتابع: «في رجالة بتلبس حلقان في كل مكان في العالم، لبس الحلق هو ثقافة أكثر من إنه مظهر خاص بالسيدات، ولما خرمت ودني كان في عام 2020 ومكنتش في مصر ولما وصلت البيت كان في شخص بيشتغل معايا إفريقي ومكنش مستغرب من لبسي الحلق، وفي مصريين بيلبسوا حلقان، أنا مش دوري أعمل للناس اللي يتقبلوه».
كما قال السيناريست تامر حبيب خلال اللقاء إنه منقطع عن الصيام منذ 5 سنوات بسبب حالة مرضية، حيث قال: «بقالي 5 سنين مش بصوم علشان العملية اللي عملتها تحويل مسار وقبلها كان جالي جلطة عشان كده ممنوع أصوم ولازم اشرب ميه على الريق كل يوم».
