ياسمين عز تفتح النار على رضوى الشربيني: «روحي اتعالجي يا أم كرامة بلاستيك»
هاجمت الإعلامية ياسمين عز، رضوى الشربيني، قائلة إنها لا تسعى لخراب البيوت، كما يفعل البعض.
وكتبت ياسمين عز، في منشور عبر صفحتها على موقع فيس بوك: "كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة.
وأضافت: مدام بليز كرامتك وقعت منك آخر مرة هناك، ابعتي عبد مظلوم من عندك يجيبها قبل ما تسيح فالشمس، واحكيلنا بالمرة قواعد بيات المرأة الأربعين برة بيت الزوج من غير إذنه.
وتابعت ياسمين: سلينا كده في الإجازة لأنك شطبتي محتوى وبقيتي مملة، حتى في تلقيحك مملة، زيرو محتوى زيرو أنوثة، بس الأمانة استرجال ليڤل الوحش، ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، بعمل ده فى الحياة العادية وبقوله في العلن.
وتابعت ياسمين عز: إنما بقى لما يكون في خرابة بيوت بتبوس الجزم في السر وتعمل فيلم مظلوم، وتطلع فالعلن تحكيلنا مأساة المرأة الإغريقية، كده إأتي محتاجة علاج يا مدام، روحي اتعالجي يا مدام، في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء.
واختتمت ياسمين عز: بلاش نشغل أسطوانة المرأة الحديدية، علشان المرأة نفسها لو عرفت إنتي إيه هيجيلها صدمة دماغية حضارية، جربي حطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وهو بالمرة نحكي الحكايات، ونسلي الناس في الإجازات.
وكانت رضوى الشربيني قد أعادت نشر صورة لأحد المنشورات على موقع تويتر ادعت أنها صرحت قائلة: "البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها"، وكان هذا أحد تصريحات ياسمين عز المثيرة للجدل، لترد رضوى قائلة: "وانا أقول الكلام ده ليه…انا ست عندها كرامه…كلام العبيد ده مش بتاعي!".
