مفاجأة غير متوقعة.. نص أقوال المتهم بقتل زوجته «ضحية الياميش» في أكتوبر

قال المتهم بقتل زوجته الممرضة بأكتوبر "ضحية ياميش رمضان"، في التحقيقات تفاصيل مثيرة بشأن واقعة مقتل فتاة تدعى فاطمة. س 19 سنة، في القضية التي تحمل رقم 890 جنح 2023 بسبب عدم شراء أسرتها "ياميش رمضان" لهما.

وجاءت أقوال المتهم كالتالي: "اللي حصل أن امبارح 2023/4/6 بعد ما فطرت وديت مراتي المستشفى علشان هي كانت متعورة قدامي وبتجيب دم علشان السكينة اللي مسكاها في أيدها دخلت تحت صدرها علشان أنا كنت بشد منها السكينة، عشان ما تأذيش نفسها علشان هي كانت قايلالي أنا هموت نفسي عشان أخلص منك".

وأضاف المتهم في التحقيقات: "هي كانت في المطبخ وأنا روحت لها المطبخ علشان أشوف في إيه، ولما دخلت عليها المطبخ رحت أنا ماسكها من وشها وقولتلها ما تموتي نفسك، فقالتي أنا ما بهزرش وساعتها هي مسكت السكينة رحت حطيت أيدي اليمين على رقبتها علشان أعرف أخذ منها السكينة".

س: ما علاقتك بالسلاح الأبيض والمناديل السابق عرضهما عليك؟

ج: المناديل أنا كنت بحاول أنشف الدم اللي على مراتي والسكينة دي هي اللي عورت مراتي

س: ما علاقتك بالمتوفي إلى رحمة مولاها فاطمة سعيد؟

ج: هي زوجتي

س: منذ متى وانتما زوجان ؟

ج: منذ أربع شهور

س: وكيف تم ذلك الزواج؟

ج: احنا عرفنا بعض في مستشفى الدمرداش، كنا شغالين فيها في التمريض

س: هل العلاقة بينكما مستقرة في الحياة الزوجية؟

ج: لا كنت بتخانق كتير ونتصالح بعدها على طول وانا بحبها

س: وهل زوجتك المتوفية تقوم بأداء كافة واجبتها الزوجية؟

ج: أيوه بس هي ما كنتش بتسمع الكلام وعنيدة بس كانت بتعملي الأكل والحياة كانت كويسة في الفراش.