مصطفى بكري منفعلًا : «إنتوا مين وبتجيبوا الفلوس دي كلها منين»

ووجه الإعلامي مصطفى بكري، هجوما لاذعًا لمن يقومون بعمليات التجميل من الشعب المصري، مؤكدًا أنه تم إنفاق 150 مليار جنيه على عمليات التجميل.

وأضاف مصطفى بكري، ، خلال تقديم برنامجه حقائق وأسرار: "إزاي دا يحصل في بلد فقير ويعاني وبه مشاكل كبيرة مثل مصر، فيه بالطوا يباع في منطقة بالقاهرة الجديدة يبلغ سعره 350 ألف جنيه".

وزاد: " بالطوا حرير، صاحب المحل يؤكد أنه استورد للمحل 6 بالطو باع منهم 5، أنتوا مين و جبتوا الفلوس دي كلها منين وبتتعاملوا مع الشعب كدا إزاي الناس مخنوقة منكم".

وتابع: "ارحموا الشعب المصري اللي بيعاني، الناس مخنوقة منكم أوي ، بلاش استفزاز وبالراحة على الناس، خذوا الريس قدوة إحنا مش بلد بترول".

وواصل بكري: "شفوا الريس بيعمل إيه وبيتعامل مع الناس إزاي وبيحاول يخرج الناس من العشوائيات ويحاول إعادة بناء الوطن معاكم فلوس ساعدوا الوطن الرئيس طلب المساعدة منكم قبل كدا بنفسه قلة منكم هي التي أجابت ومنحت صندوق تحيا مصر".