بالفيديو.. هاني شاكر باكيًا على ابنته: «فراق الضنا صعب»
أعرب الفنان هاني شاكر نقيب الموسيقيين، عن حزنه الشديد لفقده ابنته دينا، قائلًا: «أنا بعيط على دينا بنتي لحد دلوقتي؛ فراق الضنا صعب أوي».
وأكمل شاكر، خلال حواره ببرنامج «حبر سري» الذي تقدمه الإعلامية أسما إبراهيم عبر فضائية «القاهرة والناس»: «لما بتيجي سيرة دينا بنتي بعيط، وهي مفرقتنيش أنا ولا نهلة مراتي ولا إخواتها، أنا والله بحس إنها عايشة معانا وأبناءها بحس إنهم روحها وربنا يرحمها».
وأردف متأثرًا: «السنين مش بتنسي أبدًا، والفراق كوم، وفراق الضنا كوم تاني ووجع تاني، ربنا ما يوريه لحد، بتحس كأن جواك كله فضي، فوفاة الأبناء اختبار صعب من الله وربنا أعطاني الصبر والقوة».
ووجه شاكر رسالة الى ابنته، قائلًا: «لو دينا أمامي الآن هقولها وحشتيني جدًا ومفتقدك جدًا وعمرك مغبتي عن بالي لحظة».
