شيرين عبد الوهاب عن حسام حبيب: كنت بحب سرطان
نشرت الإعلامية نضال الأحمدية اتصال هاتفي مع النجمة شيرين عبد الوهاب كشفت خلاله عن الكثير من الأسرار الخاصة بانفصالها عن الفنان حسام حبيب.
قالت شيرين: «بحبه يانضال بس أنا بحب سرطان، بحب الوجع بس حبه ليا وجع، حب حسام ليا بقى وجع بقى ضعف وخوف وأنا عمري ماكنت بحب أبقى ضعيفة وعمري مكنت بحب أبقي خايفه أقولك حاجة ارتباطى بأي راجل بقى الحاجتين دول الضعف والخوف».
وتابعت: «وأنا بحب علشان بنت أصول الراجل عندى يتشال فوق الدماغ، الست عندنا فى مصر اتعلمت ومتعودة على حاجات غير خالص رفاهية الست اللبنانية».
واستكملت: «أنا عندي الارتباط مثلا بوردة أو بدبلة خلاص أنا كده اتجوزت، ومؤخر صداقي 25 قرشا، مين ممكن ترضي بكده إلا المصرية، دلوقتي بقي حتى المصرية بتاخد بالها من نفسها وبتتجوز الغنى مش سايبنها فى حالها بردو».
