ياسمين عز: يا ريت نتعلم من فرح ولي عهد الأردن العلاقة بين العروسة وأخوات جوزها بتكون عاملة إزاي

علقت الإعلامية ياسمين عز، على ما حدث في حفل زفاف ولي العهد الأردني الأمير الحسين بن عبدالله وزوجته رجوة آل سيف.

وقالت ياسمين عز، خلال برنامجها "كلام الناس"، المذاع على قناة إم بي سي مصر: "كان في أكتر من موقف لفت نظرنا في فرح ولي العهد الأدرني، حد خد باله قبل كتب الكتاب من أخوات العريس وهما واقفين ورا العروسة".

وأضافت: "هنا بتكلم عن أميرتين، كان في فرحة وحب في عينهم وقلوبهم، وهما عارفين أنهم بيعملوا كده عشانها وعشان أخوهم، رغم أن كان ممكن يجيبوا حد يعمل كده".

وتابعت: "عشان يكسروا أي حاجز بينهم، وأن الحماة جميلة وروحها حلوة ربت عيالها في بيت كله حب واحترام.

وواصلت: "يا ريت الستات والبنات يكونوا اتعلموا من فرح ولي عهد الأردن، العلاقة بين العروسة وأخوات جوزها المفروض تكون عاملة إزاي، أنا أعرف عروسة رافضة تعزم بنات خالة عريسها".