عاجل | مرتضى منصور يعلن تأسيس حزب سياسي باسم «الإخلاص»
أعلن مرتضى منصور رئيس مجلس إدارة نادي الزمالك المعزول، تأسيس حزب سياسي جديد تحت مسمى الإخلاص يضم جميع فئات المجتمع.
وقال مرتضى منصور في المؤتمر الصحفي المنعقد حاليًا في مكتبه: "إحنا مجموعة من المصريين الوطنيين، قررنا تأسيس حزب سياسي، ملهوش دعوة بالأهلي والزمالك، حزب لكل المصريين، بيضم مجموعة من المحترمين في كل التخصصات الاقتصاد والسياسية الداخلية والخارجية".
وتابع: "هيكون في لايحة داخلية لكيفية بمجرد موافقة لجنة شئون الأحزاب، لاختيار رئيس الحزب وتوزيع الموارد المالية".
وشدد: "اختارنا حزب الإخلاص، علشان يكون إخلاص لله، يعني وأنت في شغلك تتقي ربنا، وأنت بتعمل مسلسل تتقي ربنا وأنت بتبيع تتقي ربنا، وهو مش حزب ديني، هو حزب وطني ديمقراطي، بس مش هيسمح بوجود الملحدين اللي بيضربوا في عقائد الأديان الثلاثة".
واختتم: "والهدف الثاني من اسم الحزب هو الإخلاص للعمل، والإخلاص للشعب المصري العظيم اللي استحمل كتير، ولسه صامد وواقف".
