سبب غير متوقع يُلزم حسام حبيب الصمت أمام تصريحات شيرين.. فيديو

فجرة الإعلامية بسمة وهبة، مفاجأة من العيار الثقيل حول طلاق الفنانة شيرين والمطرب حسام حبيب، قائلة: «أحب أقولكم كمان حسام بيحب شيرين، ومش معنى إنه مطلعش يتكلم عن اتهامات البعض له من الناس اللي بتزيط في الزيطة يبقى كلامهم صح».

وأضافت بسمة وهبة، خلال تقديم حلقة اليوم، من برنامج «90 دقيقة» على قناة «المحور»، بالقول: «حسام يقدر يدخل في أي وقت، لكنه مش عاوز مشاكل عشان بيحب شيرين وعاوز يسيب لها مساحة تطلع اللي جواها».

وتابعت: « حسام يلتزم الصمت لأنه يحب شيرين وعاوزها تطلع اللي جواها عشان ترتاح، معقبة: « ليه نحكم على هذا الحب بالإعدام ونتسرع ونقول إنها مينفعش ترجع، ولو إحنا بنحب شيرين ونقولها خدي وقتك وواجهي مشاكلك واقعدي معاه، إنتي ياما أحاسيسك ومشاعرك وصوتك صالحوا ناس على ناس».

وأكملت: «ومن حق شيرين علينا النهاردة نقولها شوفي سعادتك فين وبلاش نفتح المواضيع ونكبرها عليها، مردفة: « بقول لشرين خدي قراراك بعيد عننا، بلاش تاخدي من حد نصايح، أكتر واحدة تقدري تحكمي على مشاعرك هو إنتي، وحلق شعرك أقوى قرار شجاع لأنثى على وجه الأرض».