السيسي للمواطنين: أنا أمين معاكم وعليكم وربنا شايف كل حاجة وهو اللي هيحاسبني

أشاد الرئيس عبد الفتاح السيسي، بجلسات الحوار الوطني قائلًا: "بقول إن كتير من الجلسات شوفت الكلام الجميل اللى كان بيتقال فيها من الدكتور "علي" لما كان ماسك المحور السياسى وإزاي كان بيتكلم".

وأضاف السيسي، خلال كلمته في المؤتمر الوطني للشباب بالإسكندرية: "بناء الدول ليس سهلًا وأنا أمين معاكم وأمين عليكم، وربنا شايف ومُطلع على كل حاجة وربنا هو اللي هيحاسبني".

وتابع: "يا ريت كنت جبت بعض الفقرات اللى تم تداولها وكانت واضحة، قد إيه حجم التفاهم مش الاختلاف وماله ما إحنا عاملينه ليه؟ علشان نتكلم ونقول وجهة النظر التي تستهدف مصلحة الوطن".

وأكمل: "كلنا نمتلك بلدنا ومسؤولين عنها، محدش يقدر يتهم حد بالخيانة والعمالة ولا الجهل، لكن ممكن نقول يعني محتاجين ننظم ده.. الحوار كحالة محتاجين أنها تستمر".