تامر عاشور: «بحضر لدويتو مع الهضبة وهاجمت عمرو مصطفى لإنه نصب نفسه إله للفن»
تحدث الفنان تامر عاشور عن تعاونه مع الهضبة عمرو دياب في عمل فني قادم، إذ قال: "اشتغلت مع عمرو دياب أغنية واحدة بس وما كررناش التعاون تاني، واتقابلنا وقالي عايزين نشتغل تاني قلت ده نفسي وإن شاء الله نجهز حاجة والشغل معاه شرف ونفسي اشتغل معاه".
وأضاف: "قريب هيكون فيه دويتو مع الهضبة ودلوقتي شغال على أغنية بس هو لسه ما سمعهاش ومتأكد إنها هتعجبه".
وكشف خلال لقائه في برنامج حبر سري عن خلافه مع الملحن عمرو مصطفى حيث قال: "هاجمت عمرو مصطفى لإنه شايف كل اللي فاتوا مش ناجحين وكل اللي عملوا أغاني قبل كدا مش ناجحين وكل اللي هيعملوا أغاني بعد كدا مش ناجحين وعلشان كدا رديت عليه لأ فيه ناس ناجحين وبيقول ما حدش بيدوق النجاح غير من على جيتار عمرو مصطفى دي بدعة، أنا ما ينفعش أنصَّب نفسي إله للفن".
