مروة نصر عن شيرين عبد الوهاب: «جوازتها كانت سودا على الوطن العربي كله»
تحدثت المطربة مروة نصر، عن المطربة شيرين عبد الوهاب وزواجها من المطرب حسام حبيب.
وقالت مروة نصر، ببرنامج "سبوت لايت"، المذاع على قناة صدى البلد: "دي جوازة سودا على الوطن العربي كله، وأنا اتكلمت من حبي فيها وأني من جمهورها، ومستحيل أقيمها كمطربة".
ووجهت رسالة للمطربة شيرين عبد الوهاب قائلة: ربنا مديكي حاجات حلوة كتير أوي، دم خفيف وصوت حلو وكل حاجة تقول أنك نجمة بس".
وتابعت: "شيرين أوقات بتستخدم عفويتها فالناس بتستخدم ده، والفنان لازم ينتقي كلماته في الإعلام أو ما يتكلمش، ولحد النهاردة اللي مخلي عمرو دياب نجم كبير أنه مش بيتكلم في الإعلام، وده ذكاء خارق وليس غرور، وهو عارف أنه عنده رسالة، وعمره ما اتقال أنه شتم فلان".
وواصلت: "شيرين قدوة لبنات كتير أوي، ولو بنات شافتك بتحلقي شعري أنا كأم وبنتي بتحبك وشافتك تعمل إيه؟ طبعا أنتي حرة في حياتك ولكن لا تشاركي الجمهور، ومينفعش أدخل أهلي في مشاكل مع الناس وهي عندها بنتين زي القمر".
