لحظات مؤثِّرة.. تعليق أهالي ضحايا الشيخ زايد على الحادث «فيديو»

روى أهالي الشباب الأربعة ضحايا حادث سيارة الشيخ زايد، تفاصيل تلقيهم نبأ الحادث، وقال درويش محمد والد الشاب الضحية عبد الله: «ابني كان مع أصحابه بيحلق، وخلصوا حلاقة وكانوا جايين على البيت، وبعدها اتصلوا على التليفون وكان مقفول».

وأكمل درويش، في تصريحات لبرنامح «يحدث في مصر» الذي يقدمه الإعلامي شريف عامر عبر فضائية «إم بي سي مصر»: «عرفت إنهم عملوا حادث لما وصلت المستشفى وسألت الأمن على الأولاد قالي فيه 4 شباب عاملين حادثة وهما دلوقتي في التلاجات، وأنا مدخلتش شفت ابني في التلاجة، غير لما دفنته».

وقالت منى أمين والدة الشاب الضحية يوسف: «كارثة أكبر مصيبة ممكن تنزل على قلب أم، ومكنتش مصدقة، واللي جاب الخبر قال الولاد عملوا حادثة؛ فقلبي وجعني، وبعدين قالوا يوسف محصلوش حاجة، وبعدين لقيت تليفونات إن الولاد كلهم توفوا».

وأكملت ممسكة صورة نجلها:«القمر الحلو الجميل ده، كان بيرضى بأي حاجة في الدنيا، باكل وشرب ودراسة».