بعد 6 أشهر زواج.. تفاصيل مفجعة ترويها والدة ضحية زوجته

أُجهشت والدة الزوج الذي راح ضحية زوجته عقب 6 أشهر زواج فقط، طعنًا منها بسلاح أبيض، وسردت تفاصيل قتل ابنها، قائلة: «ابني جه من شغله اطمن عليا وقولت له تعالى اتعشى قالي أنا طالع اتعشى مع مراتي».

وأضافت الأم، خلال لقاء لها لبرنامج «تفاصيل»، عبر فضائية «صدى البلد2»، مع الإعلامية نهال طايل، قائلة: «بعد ما طلع شقته سمعت صوت خناق عالي قولت لأخوه أنا عايزة أطلع لأخوك، قالي متطلعيش لأن ده خلاف عادي».

وتابعت باكية: «صوتهم ارتفع أكتر وطلعت شقته أشوف في إيه ضربت الجرس هو اللي فتحلي وكان مضروب بالسكينة»، مردفة: «أنا عايزة حق ابني، حسبي الله ونعم الوكيل فيها».

وأكملت: «ابني كان فاكر إن الضربة خفيفة وحاطط إيده على الضربة عشان مشوفهاش، ولكن بعد ذلك قالي مراتي خبطتنى بالسكينة»، مستكملة: «قالتلي أنا موتهولك عشان ترتاحي».