شريف مدكور يكشف تطورات حالته الصحية

كشف الإعلامي شريف مدكور، عن تطورات حالته الصحية بعدما أعلن عن إصابته بكورونا بعد عودته من الحج.

وكتب رداً على شائعات تدهور حالته الصحية قائلا: "ايه الهبل اللي مكتوب ده موقع ضايع جالي كورونا ودي حاجة عادية ومتوقعة''.

وأضاف: ''وانا في بيتي باخذ أدوية وكله تمام ولا في حاجة خطيرة ولا طلبت دعاء من حد''.

ومن ناحية أخرى، أكد الإعلامي شريف مدكور، أنه رفض تصوير إعلان عن''سنتر طبي''، مقابل مبلغ مالي، موضحا أنه لا يريد استغلال الجمهور، وقال خلال برنامجه 4 شارع شريف: ''من يومين كلموني ناس قالوا لي عاوزينك في سنتر طبي خاص بعلاج أسنان ومخ وأعصاب وجلدية، تقول كلمتين وتبارك ونصورك وتحطها عندك على صفحتك هندفع لك رقم''.

واختتم: ''قلت لهم أنا مش هاجي عشان لو جيت ونشرت الكلام ده الناس هتيجي، وأنا إيه اللي يعرفني بالدكاترة، وهتعمل إيه في الناس، أفرض الدكاترة مضروبة الناس هتقول عليا إيه، ممكن محل هدوم لكن صحة الناس مش سلعة''.