عمرو مصطفى يوجه اتهامًا بالسرقة لـ تامر عاشور.. تفاصيل

رد الفنان عمرو مصطفى، على هجوم المطرب تامر عاشور خلال لقاءه ببرنامج ''حبر سري''، قائلا: "يا تامر فيه أغنية عملتها لمصطفى صندل التركي وأنت أخدتها وعملت الأغنية دي وأخدت اللحن والتوزيع الموسيقي ونزلت وكتبت عليها اسم ملحن تاني وأنت المفروض جوا الصناعة، الصناعة اللي بقى كل اللي بينتجوا أغاني بيسرقوا الأغاني والألحان".

وواصل ''عمرو'' من خلال لقاءه ببرنامج "حبر سري" الذي تقدمه الإعلامية أسما إبراهيم بقناة القاهرة والناس: "لسه فيه أغنيتين خدهم مطربين مهرجانات وسرقوهم هل دا مش معناه إن الصناعة اتدمرت".

واستكمل عمرو مصطفى: "مش هعتب عليك يا تامر عاشور إنك أخدت الأغنية بتاعتي، بس أنت مثل من الأمثلة اللي استباحت الجمل اللحنية لأشخاص موجودة وحية وعايشة ومش هرد عليك أكتر من كدا".

واختتم: "قابلت تامر عاشور قبل كدا وقلت له لما تحب تقول حاجة تعالَ قلها لي وكان ساعتها واقف زي التلميذ ما بيردش، ولما قال عليَّ عمود من أعمدة الصناعة كان المفترض يستأذني قبل لما ياخد أغنيتي وخدها واستبحاها ونشرها على يوتيوب من غير حد ما يستأذني ولا يكتب اسمي".