مجدي بدر يكشف كواليس الجزء الثاني من مسلسل جعفر العمدة

كشف الفنان مجدي بدر، عن رأيه في عمل جزء تاني من مسلسل "جعفر العمده" قائلا : "الأغلبية من الأعمال اللي نجحت واتعمله أجزاء تانية كملت نجاحها مثل مسلسل ليالي الحلمية، رأفت الهجان.

وأضاف خلال حواره في برنامج "on the top" مع الإعلامي شريف عبد الرؤوف على قناة الشمس: "فيه كذا عنصر مهمين وهو المخرج محمد سامي هو من المخرجين الأذكياء وعنده سينس عالي بيعرف يوظف الحدوتة، محمد سامي ورمضان لا يمكن هيدخلوا عمل وهما مش مالكينه كويس.

وتابع: "معنديش خلفية مين اللي هينضموا للجزء التاني أوهينسحبوا ولكن الحاجة الوحيدة اللي متأكد منها أن بلال شامه، مش هيكون موجود في الجزء التاني لأنه اتقتل خلاص، ممكن استنتج أن دلال متبقاش موجودة لأنها اتسجنت، عايدة لأنها سابته ومشيت.

واختتم مجدى بدر: "محمد سامي ضافلي حاجات كتير جدا، أولا هو اللي كاتب وهو المخرج الحته دي فيها ميزة أن تفاصيل الشخصية بيكون سهل يوصلهالك ودا اللي حصلي فعلا غير أن كان معاه 30 حلقة كاملين ففاهم تطورات الشخصيات عاملة إزاي.