أحمد موسى: انقطاع الكهرباء تحدي وهيعدي ومش هنسيب البلد

وجه الإعلامي أحمد موسى، رسالة شديدة اللهجة لمستغلي أزمة الكهرباء، قائلا: "تحدي الكهرباء ياخد 10 أيام ولا شهر ولا حتى سنة، نقف مع البلد ولا نسيبها تضيع؟".

وتابع موسى خلال برنامج «على مسئوليتي»، المذاع على قناة صدى البلد: هتشتم شوية شتايم فوق الخيال ولكن ولا يهمني لأن كله لجان، ما يعنيني مصر، لأن الأزمة دي هتعدي وتحدي هيعدي.

وأكمل: ما هي مشاكل البعض مع مؤسسات البلد، أنت طلبت طلب ومحدش عمله، يعني طلب شخصي، ياما عملتوا واشتغلتوا واخدتوا، نكشف الورق ولا إيه؟.

واستطرد: البلد دي ربنا حافظها ولكن مطلوب مننا نخلي بالنا شوية، لأن هناك من يحاولون يهيجوا ويحرضوا الرأي العام منذ 10 سنوات، ولم ينجحوا في فعلتهم رغم إنفاقهم المليارات.