اللواء سمير فرج يكشف القصة التي جمعت بين أسامة أنور عكاشة والمشير أبو غزالة

كشف اللواء سمير فرج في تصريحات خاصة لبوابة مصر 2030 عن القصة التي جمعت بين أسامة أنور عكاشة والمشير أبو غزالة.

وقال اللواء سمير فرج: "أنا ومدير الشئون المعنوية كنا عايزين نعمل فيلم عن حرب أكتوبر وكلمنا أسامة أنور عكاشة ومضينا معاه عقد وقابل سيادة المشير وبدأنا نشتغل، وقامت علينا حملة من إبراهيم سعده وقال إن أسامة أنور عكاشة ده ناصري وهينسب حرب أكتوبر للناصريين".

وتابع: "وده مش حقيقي لاننا حاربنا كلنا وكل واحد ليه دوره في الحرب وحقيقي زعلت إن الفيلم ده ما تمش، وعلشان كده عملت مجموعة أفلام وهما 13 فيلم وثائقي أرجو إن هما يتذاعوا السنة دي كان سيادة الرئيس أمر إن هما يتذاعوا".

وأضاف: "وكان في هذه الأيام القادة متواجدين منهم أحمد بدوي وفؤاد عزيز قائد الجيش الثاني كانوا أحياء وسجلنا معهم في 13 حلقة وسجلنا للجميع عدا اثنين، هما حسنين هيكل لأنه رفض وكنت عايزه يتحدث عن الفترة الأولى والنكسه لأنه أكثر شخص يعرفها، وأيضًا المشير أبو غزاله رفض لكن جميع القادة سجلوا وسيذاع بمناسبة مرور 50 عام على حرب أكتوبر".

https://fb.watch/m4HeTL1-CK/?mibextid=RUbZ1f