فيفي عبده: «المسيحيين والمسلمين إيد واحدة وناقشت علاقتهم في مسلسل طوق نجاة»
كشفت الفنانة فيفي عبده تفاصيل حول مسلسلها الشهير طوق نجاة، وأشارت إلى أنه كان يسلط الضوء على الوحدة بين المسيحيين والمسلمين في مصر.
وتحدثت فيفي عبده في بث مباشر لها على حسابها الشخصي بموقع الصور الشهير إنستجرام قائلة: "مسلسل طوق نجاة بيتكلم عن العلاقة بين المسيحيين والمسلمين وحصلي موقف لن أنساه خلال تصوير المسلسل لأن ساعتها زوج أختي توفى ولقيت الجيران جنبنا في إمبابة وقفوا معانا واخدوا الأطفال عندهم لحد ما نروح الدفنة وكمان عملوا لنا أكل".
وتابعت: "لما اتكلمت مع أختي عن جدعنة الجيران قالت لي إنهم مسيحيين وساعتها أدركت العلاقة الطيبة بيننا، وتأثرت بالمسلسل جدا لأنه بيناقش نفس الحالة دي، والمسيحيين والمسلمين في مصر إيد واحدة وبنحب بعض طول عمرنا، والله يحمى مصر".
وكشفت فيفي عبده خلال البث سبب توقفها عن السفر إلى أوروبا، إذ قالت:" أنا خلاص بطلت أسافر أوروبا لإن الساحل الشمالي أحلى ومقدرش أسيبه، والعلمين الجديدة دي وهم ولازم أروحها يمكن أخد قيراط ولا حاجة، واحنا في مصر كلنا إيد واحدة وبنحب مصر اللهم احفظ مصر".
