محمود سعد يدافع عن محمد هنيدي: «معملش جريمة ومفيش فنان كل أفلامه حلوة»
دافع الإعلامي محمود سعد عن الفنان محمد هنيدي بعد الهجوم على الأخير بسبب فيلمه الجديد مرعي البريمو.
وخرج محمود سعد على متابعيه من خلال صفحته الرسمية على موقع التواصل الاجتماعي فيس بوك بفيديو بث مباشر قال فيه: "أصحاب الأعمال الكبيرة على كافة المستويات هتلاقي المنور في شغلهم 10 حاجات من خمسين، وأعمال أثرت في الناس، وهنيدي كان عامل إعلان من سنوات كأنه مسلسل، هو إنسان طيب وموهوب وكريم على أهله ومبيهاجمش زمايله".
وتابع: "أنا شوفته في بدايات ظهوره في أفلام مع أحمد زكي وعادل إمام وشوفت نجاحه وبعدين طلع ناس تانية، الدنيا بتتغير لكنه فنان كويس الناس بتحبه قريت كذا نقد اتكلموا على إن الفيلم وحش لكن هو معملش جريمة يعني مين فنان كل أفلامه حلوة؟!".
وأضاف: "لكن هو إنسان جميل وعمل حاجات على المسرح حلوة يجب أن إحنا نساعده لأنه الفنان أما يبقى صادق بنعتبره جزء من الأسرة، الراجل بيجتهد وبيحاول يعمل حاجة حلوة في زمن فيه حاجات كتير ملغبطة ومجرد أنه بيحاول ده في حد ذاته له تقدير".
