فيفي عبده: «أنا صغيرة وعندي 25 سنة وبنصح جمهوري يلتزم بالصلاة»

وجهت الفنانة فيفي عبده نصيحة لجمهورها بضرورة الصلاة، وطلت على متابعيها في بث مباشر على حسابها الشخصي بموقع الصور الشهير إنستجرام، وتحدثت عن الكثير من الأمور.

وقالت فيفي عبده في البث المباشر: "أنا مستغربة إني بقيت بنسى كتير رغم إني صغيرة 25 سنة ولسه في عز شبابي ولكن بحمد ربنا كل يوم على النعم اللي في حياتي والحمدلله إن ربنا بيحبني، وبحمد ربنا إني على طول كويسة".

وتابعت: "بنصح كل جمهوري يصلي، الصلاة دي أهم حاجة وهتشوفوا بعد ما تصلوا حياتكم هتكون حلوة إزاي، وبدعي ربنا يحفظ لي بناتي وأحفادي".

وأضافت: "لما بتعرض للظلم أو أحس إني مخدتش حقي ساعتها بعمل مسلسل يفرقع وبيكون نمبر وان فعلا؛ لأن الفنان مش بيبدع إلا لما يكون مجروح ومقهور وحد مضايقه وبيطلع غلبه في الفن".