بالفيديو.. عمرو أديب عن حسن راتب: عملوا ملايين الملايين من الآثار

علّق الإعلامي عمرو أديب على قضية الآثار المتهم فيها رجل الأعمال حسن راتب، والنائب السابق علاء حسانين، قائلًا: «كمية الناس اللي اغتنت من الآثار في مصر غير طبيعية».

وأكمل أديب، خلال تقديمه برنامج «الحكاية» المذاع عبر فضائية «إم بي سي مصر»: «البلد دي اتباع فيها آثار بكميات ضخمة، أنا كنت في لندن وجدت مسلتين على رأس أحد الكباري، وعندما سألت عنهما قالوا كانتا تائهتين في البحر ووصلتا إلى لندن عن طريق الصدفة، فالبلد دي اللي باع آثار فيها كتير، وما زال التنقيب عن الآثار مستمرًا».

وأردف مقدم البرنامج: «البلد دي كل متحفر فيها يطلعلك آثار، زي قضية عين شمس، وكمان الخبراء بيقولوا إن أغلب آثار مصر تحت الأرض، وأنا مش عارف لما نطلع الآثار دي هنعمل بيها إيه، بصراحة فيه ناس عملت فلوس من الآثار ملايين الملايين».