داليا البحيري تكشف تطورات إصابتها وتعلق: «مايقع إلا الشاطر»

أصيبت الفنانة داليا البحيري في يدها، وذلك خلال العرض المسرحي سيدتي أنا، ونشرت صورة لأشعة يدها على حسابها الشخصي بموقع الصور الشهير إنستجرام، وكتبت معلقة: "حادثة صغيرة على ما قسم كده، اختل توازني على المسرح ووقعت واقعة جامدة حبيتين".

وتابعت: "نزلت بكل حملي علي ايدي وحسيت برجة جامدة في دماغي…وجع رهيب ايدي ورمت قلت بس انا اتكسرت كملت العرض الحمد لله وطلعت علي الطوارئ هوب إشاعة هوب الحمد لله مفيش كسر بس في مزق في وتر الإبهام ادي الي ان العضمة اتحركت من مكانها ياختييييي في، كل ده تمام والف حمد والف شكر انها بتيجي علي قد كده".

وأضافت: "المشكلة بقى يا جماعة في اني اكتشفت اني مش عارفة اعمل اي حاجة بمعني اي حاجة من غير الصباع ده…لا عارفة البس ولا اقلع ولا افتح ازازة الماية مش عارفة اشيل حاجة مش عارفة افتح باب العربية ولا أي أكره، مش عارفة اسرح شعري ولا اغسل وشي ولاااا اي حاجة …وكمان مش عارفة اعمل scroll، مش عارفة اعمل like …آه والله ال Like بتوجعني جدا …بس برضو الحمد لله دائمآ وأبدآ …ما يقع الا الشاطر".