محمد يحيى يكشف بداية تعاونه مع الهضبة في أغنية ريحة الحبايب
حقق الهضبة عمرو دياب نجاحا كبيرا في حفل لبنان الذي أحياها أمس وتصدرت مواقع التواصل الاجتماعي ومنصات السوشيال ميديا لكونها الحفل الأهم في هذا الموسم واشادات الجميع بها.
ونشر الملحن محمد يحيى صورة تجمعه مع الهضبة عمرو دياب الذي تعاون معه في معظم أغانيه وعلق قائلا : حفلة عمرو دياب في لبنان اسطورية وتشرف، ومهما هتكلم عن عمرو دياب مش هخلص كلام من بدياتي معاه من سنة ٢٠٠٢ لما صدق موهبتي وانا عندي ٢١ سنة وكان داعما ليا نفسيا مش هقولكم احساسه وايه وتعبيرات وشه وفرحته لما بيسمع لحن حلو بيبقي طفل.
وأضاف: منساش ريحة الحبايب لما سمعها مني في الاستديو وكان ناقص ياخدني بالحض وانا اصلا متردد وخايف اسمعها، لا متعجبوش وقعدت ادندنها جمبه بصوت واطي فجأه قالي ايه دي علي صوتك وسمعني موقف لن انساه وفي الاخر طار بيها، عشان مطولش عليكم نجاح عمرو دياب جاي من احساسه دايما انه معملش حاجه ودايما عنده طمع انه يكمل.. اخيرا البوست ده من قلبي في حب عمرو دياب الملهم والاخ والصديق.
وتعاون أيضا مع الهضبة في اغانى اللوك الجديد وانا يالاء ولو اتساب وخلينا نشوفك ويدق الباب وريحة الحبايب، وغيرها بكثير من الأغانى التي حققت نجاحات كبيرة .
وتعاون الملحن محمد يحيى في مشواره الغنائى مع عدد من النجوم منهم عمرو دياب ومحمد حماقى واليسا وجورج وسوف وراغب علامة وامال ماهر وتامر حسنى وبهاء سلطان وغيرهم .
