نجل شقيق العندليب يهاجم شريف خير الله: لا يجوز مقارنة عبد الحليم حافظ بـ محمد رمضان.. فيديو

علق محمد شبانة إبن شقيق المطرب الراحل عبد الحليم حافظ، على ما قاله الفنان شريف خير الله ببرنامج «تفاصيل» حول ارتداء العندليب ملابس شبيهة للفنان محمد رمضان لو كان موجودا في الوقت الحالي.

وقال محمد شبانة، ببرنامج «تفاصيل» الذي تقدمه الإعلامية نهال طايل عبر قناة «صدى البلد 2»: شريف خير الله بيتكلم عن العندليب كأنه يعرفه أو هيعرف يعمل إيه في المستقبل الكلام ده مش مظبوط، عشان عبد الحليم ليه ذوقه ومنهجه في الحياة وليه ثقافته وشخصيته الفريدة.

شبانة تابع في تصريحاته لبرنامج تفاصيل، أنه لا يجوز مقارنة عبد الحليم حافظ بشخص آخر، ومحمد رمضان فنان موهوب وأهديته «كرافتة» خاصة بالعندليب وقت تصويره لمسلسل حبيشة، وقبل أن يكون نجما، معقبا: محمد رمضان ميقدرش يقول كلام زي اللي قاله شريف خير الله.. شريف يمكن خانه التعبير وكل شخص بيلبس اللي بيليق عليه ومهما اتطور هيكون عبدالحليم مش حد تاني.

وأضاف شبانة: عبد الحليم كان أول واحد بيغني من خلال المايك الطويل وأول شخص يلبس البلوفر والبنطلون الجينز وتطور بشخصيته الحقيقة، يعني لما محمد رشدي عمل الأغاني الشعبية، عبد الحليم عمل أغاني شعبية رغم أنه مكانش أستاذ محمد رشدي.

على جانب آخر، قال شريف خير الله خلال حواره مع ببرنامج تفاصيل، المذاع عبر قناة صدى البلد2، تقديم الإعلامية نهال طايل: محمد رمضان ربنا صارف له قبول كبير بغض النظر عن الناس بتقول وبتعيد عنه، أنا كان ليا عتاب على محمد رمضان على بعض الحاجات اللي بيعملها لكن ده ملوش دعوه بشخصيته كفنان.

وتابع شريف، أنه انتقد محمد رمضان في موقف معين، ولكنه تسائل في أحد المرات «ليه كل العداوات دي؟»، وأن الفنان الراحل أحمد زكي والمطرب الراحل عبد الحليم حافظ أكبر نجمان،

وأضاف: لو عبد الحليم عايش لحد النهارده ممكن يعمل إيقاع من خلال محمد رمضان أو يلبس زي لبسه، ده عصره وكان بيتحرر من المايك ويغني في وسط فرقته.

https://www.facebook.com/watch/live/?ref=watch_permalink&v=295774309713222