أول رد من أسما شريف منير على منتقدى قص شعرها على الزيرو

أسما شريف منير

حرصت الفنانة أسما شريف منير، أن ترد على كل الانتقادات التى وجهت لها بسبب قص شعرها على الزيرو، ووجهت رسالة لكل منتقديها من خلال حسابها الرسمى على موقع التواصل الاجتماعى إنستجرام.

وكتبت أسما،: "شكراً علي كل ردود الفعل، الوحشة والحلوة كلها، ساعات موقف زي دي بتخلي ناس تشوف ناس تانية عاملين ازاي مجرد أنهم بيعبروا عن رأيهم، و شكراً لكل الناس اللي كانت خايفة وقلقانة عليا، ممكن بقي أقولكم الحكاية من وجهة نظري ببساطة.

رد أسما شريف منير على سبب قص شعرها

وتابعت: "أولاً الحكاية جت بالصدفة جداً وكان قرار لحظي وانفعالي جداً ومش ندمانة عليه، تاني حاجة أنا مش بعمل كده عشان اطلع ترند بس كنت عارفة إني هبقي ترند، في فرق كبير بين عايزة وعارفة، علة فكرة الترند ده نقمة مش حاجة حلوة خالص بس مش هدخل في الجدل ده دلوقتي.

صور أسما شريف منير

وأضافت: "تالت حاجة أنا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس، دي صفحة جديدة حلوة مليانه تفاؤل وقوة وإرادة وتحدي وجرأة وشجاعة وكل حاجة إيجابية في الكون.

واستكملت: "أنا فعلاً من فترة كنت بمر بمرحلة صعبة جداً بس كنت في رحلة بقالي شوية بتعافي منها و بقف علي رجلي من الأول و كان آخرها رحلة دهب، فا تاني بالعكس ده مش اكتئاب ده مرحلة انتقالية مؤمنة إني هحقق فيها حاجات كتير.

واختتمت أسما رسالتها، قائلة: "آخر حاجة الجماعة اللي مكبرين الموضوع (ده شعري مش شعرك)
حاجة كده بجد أخيرة (انا عاجبني شكلي جداً بصراحة، شكله جامد و مديني ثقه في نفسي جداً) بحبكم أوي بجد".