شريف منير لابنته أسما بعد حلاقة شعرها: «خدتي التريند برافو عليكي»
رد الفنان شريف منير على الانتقادات التي وُجهت لابنته أسما، بعد حلاقة شعرها بالكامل.
وقال شريف منير، في مقطع فيديو عبر صفحته على الإنستجرام: "إيه الدوشة اللي أنتوا عاملينها دي، كل ده عشان بنتي قصت شعرها قدام الكاميرا".
وأضاف: "ده تصرف عادي مفهوش أي حاجة، واوعوا تفتكروا أني هاجي على بنتي عشانكوا، دي بنتي اللي مليش غيرها".
وتابع: "أنا بنتي متربية كويس جدا، وهي بتتصرف باللي حاسه بيه، وقبل ما تتكلموا بصوا لنفسكوا وأخواتكم وعائلاتكم، قبل ما تغلطوا وتقولوا متربتش، لا أنا بنتي متربية كويس أوي".
واختتم حديثه: "ريحوا نفسكوا واهدوا شوية لأن اللي حصل من بنتي مش غلط ولا عيب، بنتي أم وأنا أب مسؤول أحميها لكن مش بتحكم في قراراتها".
ووجه رسالة لابنته قائلا: "شكلك كان قمر وخدتي التريند برافو عليكي وأنا مش مهتم بالكلام اللي بيتقال عليا أو عليها".
