«بتكلم على اللي فوق مش تحت».. تامر أمين يفجر مفاجأة عن أزمة أسما شريف منير.. ويوجه رسالة نارية لوالدها
علق الإعلامي تامر أمين، على أزمة أسما شريف منير بعد حلق شعرها بالكامل، ودعم والدها لها.
وقال تامر أمين، خلال حديثه ببرنامج "آخر النهار": "ينفع الأوساط الإعلامية ملهاش كلام غير أن واحدة حلقت شعرها؟ يعني إحنا وصلنا للدرجة دي، هو الفراغ يعمل فينا كده؟".
وأضاف: "مشاكلنا خلصت عشان جزء كبير من المصريين كل اللي شاغله إن واحدة قصت شعرها، وأسما شريف منير شالت شعرها بالمكنة".
وتابع معلقا على ملابسها: "أنا مليش دعوة بلبسها، أنا شايف فوق ومش عايز أبص لتحت، كل واحد أدرى بمظهره وعلاقته بربنا".
وواصل: "أنا بعز شريف جدا ولكن بلومه على حاجات، لأنه أساء التقدير، وأول غلط هو الناس اللي بتشتم مش من حقكوا، أسما حرة طالما مبتأذيش حد، وخدت قرار يخصها بنفسها".
وأكمل موجها حديثه لشريف منير: "طالما قرار يخصها وهي حرة مكنش المفروض تنزله، لكنها كده باحثة عن التريند والترافيك والدوشة والاهتمام، وطالما بحثتي عن الاهتمام متزعليش من رد الفعل".
