منى زكي: «بعتذر لابنتي ومساندة شريك الحياة مهمة في لحظات الفشل»
تحدثت الفنانة منى زكي عن حياتها الشخصية وعلاقتها بزوجها الفنان أحمد حلمي، وتفاصيل أعمالها الفنية، وذلك خلال استضافتها في أحد البرامج التلفزيونية.
وقالت منى زكي: "الأحاسيس اللي بتيجي بسبب الشغل زي الاكتئاب بعد الفشل مهم أوي الطرف اللي معاك يسندك بس في نفس الوقت مهم متأڤورش في الإحساس وتفخمه وتحاول تعدي الإحساس ده، لازم تعرفي إن أهم حاجة هي العيلة وهي اللي باقية دول الناس الحقيقية اللي باقيين ليكي وهيفضلوا معاكي وده دايما بيوقفني".
وأضافت: "بعتذر لبنتي عن سخافتي معاها لإني كنت شديدة معاها أكتر من إخواتها الولاد هي كانت أول بنت ليا وأنا صغيرة في السن وكنت شايفة إن الصح صح وكل حاجة بنظام وعقاب بعتذرلها طول الوقت".
واستكملت: "شغلتنا صعبة جدًا بالذات إحباطها وحش ونجاحها حلو النجاحات عندنا بتبقى قوية وأنتي لو مش شخص عاقل وعندك إحساس ازاي تبقي ثابتة مهما حصل من مغريات وأضواء هتتجنن".
