مش هتراجع في حاجه.. طليقة حسن شاكوش ترفض الإعتذار لـ حورية فرغلي
حلت ريم طارق طليقة مؤدي المهرجانات حسن شاكوش ضيفة على الإعلامية مروة صبري في برنامج قعدة ستات.
وتحدثت ريم طارق طليقة حسن شاكوش عن خيانته لها، إذ قالت: «أنا شايفه إن الشخص اللي مش مكتفي بحد يسيبه لحد تاني يكتفي بيه ويقدره ويحترمه».
وخلال الحلقة طلبت الإعلامية مروة صبري من طليقة حسن شاكوش الاعتذار للفنانة حورية فرغلي بعدما فهم البعض أن الأخيرة هي صاحبة تلميحات الخيانة مع حسن شاكوش، لترد ريم طارق قائلة: «هي مش زعلانة هي قالت البنت ما جابتش سيرتي .. أصالحها في ايه؟ أنا ما قولتش حاجة علشان أتراجع فيها».
ومن ناحيته حرص حسن شاكوش على أن يرد على هذه الأخبار والشائعات، وذلك من خلال حسابه الرسمى على موقع التواصل الاجتماعى "فيسبوك".
وكتب شاكوش: "جمهوري الغالي كل معاني الشكر ليكم ولكل شخص متفهم الموقف وشاركني البوست، أنا شوفت معظم التعليقات ومحترم كل شخص وكل كلمة حتى لو هي عكس الحقيقه دائما عند ربنا".
وأضاف شاكوش: "سكوتي وعدم ردي شئ مريحني أكثر من الكلام، ولكن في شئ يخص فنانة جميلة كلنا بنحبها وبنحترمها وحقيقي أنا لا أعلم صحة الكلام اللي بيتقال، ولكن أنا من خلال صفحاتي الرسمية بحب أقول أن الفنانة حورية فرغلي لا يمسني بيها أي شيء غير أنها زميلة وصديقة عمل ومش فاهم سبب وجود سيرتها في الموضوع أيه من خلال البرامج.
واستكمل شاكوش: "أنا دلوقتي كلامي للإعلام ارجوكم بلاش تشاركوا الناس كلام غلط، كفايه كلام في تفاصيل وحياة شخصية اللي ظاهر للناس يخص الناس، أنا دلوقتي بمتنع عن اي كلام في حاجة تخص حياتي الشخصية أرجو احترام رغبتي مع احترامي لكل الصحافة المصرية ولكن الأخبار غير الحقيقية دي بتضعف موقفكم.
واختتم حسن شاكوش: "في يوم من الأيام الحقيقه هتبان، كل الاحترام والتقدير ليكي يا فنانة يا كبيرة، وبعتذرلك مرة أخرى عن أي شيء اتحطيتي فيه.
