طليقة حسن شاكوش: «سجدت في الفرح عشان كنت متوترة مش بسبب التريند»
تحدثت ريم طارق طليقة مؤدي المهرجانات حسن شاكوش عن سبب سجودها في حفل زفافهما، وذلك خلال لقاء لها في برنامج قعدة ستات مع الإعلامية مروة صبري.
وقالت ريم طارق: "مكنش في صحفيين في القاعة، مكنش فيه غير والدتي ووالدي ومنسقة الحفل، ومعرفش الصورة طلعت برا القاعة إزاي ومطلبتش من حد يصورني، أنا عملت حاجة تلقائية هتريحني وكنت بتمنى ربنا يجعل الحياة أنها تكون خير بعد زواجي، مقصدتش أعمل تريند ولا حسن طلب مني ومكنش موجود أصلاً".
وأضافت: "أنا عملت الحركة دي علشان كنت متوترة ودي هتريحني، وكنت متخيلة عشان أنا مريت بحياة وحشة قبل كدة، فكرت أن حياتي وقفت، ولكن لما ربنا بعتلي حد وهدخل حياة جديدة وهخلف وفي لسة حياة، حبيت أشكر ربنا، وملوش علاقة بحسن".
