رانيا يوسف: «مفيش حاجة تشجع على الجواز ومستحيل أتجوز تاني لأني حرة طليقة وكل اللي أعرفهم متطلقين»
تحدثت الفنانة رانيا يوسف عن فكرة تكرار تجربة الزواج مرة آخرى، وإمكانية خوضها لهذه التجربة من جديد، إذ أكدت أنها لن تتزوج لعدة أسباب.
وقالت رانيا يوسف في تصريحات تليفزيونية لها: "مستحيل أدخل قفص الزواج مرة تانية، وده مش علشان اتعقدت من الجواز ده أنا أعقد بلد، لكن أنا حرة طليقة وعندي صحابي وأهلي وبناتي ومستكفية بيهم".
وأضافت: "هي الجوازات اللي حوالينا ناجحة أوي يعني ده أنا كل اللي أعرفهم متطلقين، فحاجة ما تشجعش على الجواز لأن مفاهيم الجواز أساسها غلط، وأنا واحدة من الستات عانيت في قصة الطلاق والنفقة في المحاكم".
وتابعت: "ومسلسل تحت الوصاية ناقش القصة دي، وده الوقت اللي لازم نعمل فيه حاجة ونغير فيه القوانين الموجودة لصالح الأطفال، ومن الصفات اللي مش بحبها في الرجالة، الراجل الرغاي لإني مش بتكلم كتير، ولو حسيت إنه بخيل وبصباص بعمله ديليت".
