مروان يونس يكشف رأيه بتمثيل والدته في «ليه لأ»

كشف الفنان والمذيع مروان يونس، عن طريقة تعرفه على زوجته ورأيه بتمثيل والدته في مسلسل «ليه لأ».

وقال مروان يونس ببرنامج سبوت لايت تقديم الإعلامية شيرين سليمان، المذاع على قناة صدى البلد، إن والدته موهوبة وتحب التمثيل جدا ولكنها غير مدركة موهبتها التمثيلية.

وتابع مروان: «والدتي أثرت فيا بمشاهدها في مسلسل ليه لأ، وبتمنالها النجاح ودورها جميل في المسلسل وأثرت فيا بمشاهدها التي ظهرت بها».

وروى مروان، طريقة تعرفه على زوجته هند حسن، قائلا: «شوفتها مرة صدفة من قبل ما أعرفها ونتعرف على بعض، ودخلت دماغي من وقتها، وفي مرة لقيتها طلعالي مع واحدة صاحبتي في صورة كانت موجودة فيها، وفضلت أدور على صفحتها ولما لقيتها، فضلت أعمل لايكات على كل حاجة بتنزلها، لحد ما اتجوزنا».

وعن زوجته، أضاف: «هند مراتي بتعمل شوبينج أكتر مني، وبتحب تشتري حاجات هايفة، وباخد رأيها في كل حاجة وفي الشغل، وهي دماغها إداري أكتر مني».