عمرو أديب: في ناس كانت متخيلة أن هيحصل خناقة أول ما طنطاوي أو أي مرشح ينزل
علق الإعلامي عمرو أديب، على تفقد أحمد الطنطاوي المرشح المحتمل لرئاسة الجمهورية، عددًا من مراكز الشهر العقاري، للوقوف على عملية جمع التوكيلات من المؤيدين
وقال أديب، خلال حديثه ببرنامج "الحكاية"، المذاع على قناة إم بي سي مصر: "أحمد الطنطاوي نزل الشارع وعدى على عدد من مراكز الشهر العقاري في عدد من المحافظات".
وأضاف: "في ناس بتهتف باسم الرئيس السيسي، وناس بتهتف باسم أحمد الطنطاوي، محصلش أي مشاكل أو حاجة مش طريفة".
وتابع: "داخلين على عملية سياسية منضبطة، وفي إطار قانوني، والطنطاوي نزل بنفسه في الشارع، لكن اللي مضايق النهاردة هو اللي كان عايزها تضلم، وكانوا عايزين يشوفوا خناقة بين المؤيدين".
