إلهام شاهين: «بدافع عن الدين الإسلامي الحقيقي بكل جوارحي»
تحدثت الفنانة إلهام شاهين عن رأيها في الدين، وانتقاد البعض لها بسبب هذه الآراء، حيث قالت: «آرائي بيختلف معاها الكثير من الأشخاص، وده علشان أنا مش منافقة، وبقول الحقيقة عشان كده آرائي مش بتعجب الناس، وفي ناس كتير مابتحبش الحقيقة، عاوزين النفاق».
وتابعت الفنانة إلهام شاهين خلال مداخلة هاتفية ببرنامج تفاصيل المذاع على شاشة صدى البلد: «أنا مابقبلش إن في حد ييجي على 3 حاجات وهما الفن أبدا فبدافع عن الفن بكل جوارحى، وبدافع عن الدين الإسلامي الحقيقي بكل جوارحي وأيضًا بلدي».
واستكملت: «بيقولوا دي بتتكلم ضد الدين، بالعكس أنا بتكلم ضد المتاجرين بالدين، وبتكلم ضد اللي بيفسروا الدين غلط، لأن الدين هو شيء عظيم وفيه سمو وروحانيات، وربنا بيأمرنا بكل حاجة حلوة».
