عمرو أديب يدعو إلى «عمل مناقصة على مطار القاهرة»
أعلن الدكتور مصطفى مدبولي، رئيس مجلس الوزراء، عزم الحكومة طرح إدارة وتشغيل المطارات والموانئ أمام القطاع الخاص.
علق الإعلامي عمرو أديب على هذا التصريح، معربًا عن أمله أن يكون هناك جدية في اتخاذ هذه الخطوة.
وقال أديب، خلال تقديمه برنامج «الحكاية» عبر قناة «إم بى سى مصر»، اليوم الأحد، إنه ينادي بهذا الأمر منذ وقت طويل.
وأضاف: «خلاص مفيش دول بتدير هذه الأشياء، انت بتنزل في مطارات عالمية تديرها شركات لدول أخرى، بتحدث عن مطارات أوروبية وأمريكية وموانئ في الشرق الأقصى وأماكن كثيرة، فلتخرج الدولة من إدارة الأشياء، والتمسك بتلابيب المؤسسات لأغراض تاريخية ونفعية قصيرة».
وتابع: «آن الأوان إن يبقى عندك مطار يتم ضخ فيه أموال وخبرات ودم جديد، مطاراتنا كلها تدار بنفس الطريقة على مدى عشرات السنين، في الأخيرة مطاراتنا بتتحسن، لكنها محتاجة تكبر، انت قاعد بتتكلم عن طموحات في زيادة السياحة، مين هيعمل الاستثمارات دي، إحنا لغاية دلوقتي بنكت الكارت ده وإحنا نازلين، خلاص بقى».
وأكمل أديب: «إنت كدولة حرام إنك تشيل الكلام ده، إنت عندك بوابة عظيمة وكبيرة، أي حد يديرها هيجيله دخل عظيم، تعالى يا عم دير، وأنا كدولة هكون منظم، أنا مش جايب حد هديله مفتاح البلد وأروح، وأعمل مناقصة وممارسة عالمية، مين عايز يدير مطار القاهرة الدولي، ونبتدي نجرب في صالة 2 أو 3، آن الأوان نخرج من عباءة الحكومة، بس كونوا جادين، بنسمع الكلام ده من سنين».
