شاهد.. وائل غنيم يهاجم قادة حماس: «قاعدين في قطر بتاكلوا الهمبورجر»

وجه الناشط السياسي وائل غنيم، نداءً إلى قادة حركة حماس، خالد مشعل وإسماعيل هنية وخليل الحية، الذين يتواجدون حاليًا في القاهرة، مطالبًا إياهم بالدخول إلى غزة والوقوف إلى جانب الشعب الفلسطيني في مواجهة العدوان الإسرائيلي.

وقال غنيم، في بث مباشر على حسابه الرسمي على موقع فيسبوك: "أنا بوجه ندائي للثلاثي الموجود في مصر، للي بيدافعو عن القضية ومكتسباتها، إنتوا موجودين في القاهرة، والقاهرة جنب غزة أوي والإسرائيليين معندهمش مشكلة خالص أنك تحيي صمود الشعب الفلسطيني من داخل غزة".

وأضاف: "انتوا قادة المقاومة الجامدين، المفروض تبقوا في غزة، مش قاعدين تأكلوا الهمبورجر في تركيا وقطر".

وتابع: "مفيش أسهل من الكلام والتجارة بمشاعر البني أدمين، ووضع الناس في التهلكة، لو سمحتوا أدخلوا غزة، ده لو أنتوا رجالة".

ووجه غنيم انتقادًا خاصًا لإسماعيل هنية، قائلًا: "إيه يا عم إسماعيل هنية، فين الرجولة فين النخوة والشهامة والدين، هل من الرجولة أنك تبقي قاعد في قطر، وأهلك بيضربوا الصواريخ، اللي بتموت منهم الآلاف، وطالع تقول أنك تحيي صمود الشعب الفلسطيني، الشعب الفلسطيني مش محتاج منك صمود يا أخويا أنت وهو".

وأضاف: "أنزل روح معاهم، الملايين دلوقتي بيدفعوا ثمن حاجات أنتوا مش قدها، أصلها مش شطارة تروح تضرب حد قدامك، وهو يجي يستخدم قوة غاشمة، وتقعدوا تقولوا الحقونا، هو عدوك منهجه كده وبقالوا 75 سنة بيعمل كده".

واختتم غنيم حديثه بالقول: "فين 136 دبابة اللي أتدمروا، مش قادر أفهم البني أدم اللي بيضل الضلال ده، أنتوا هتتسألوا على الناس اللي بتموت، ماشيين وراء إيران وحزب الله، اللي مسكوا أهل السنة يقتلوهم، أهم خانوا بيكوا".