أحمد فهمي: «مضيت على عقد طلاق أبويا وأمي بعمر الـ 19» .. وأمريكا غيرت نظرتي للحياة

تصريحات أحمد فهمي اليوم

كشف الفنان أحمد فهمي كواليس انفصال والده ووالدته، وعلاقته بشقيقه كريم فهمي، وتحدث عن المفاهيم الخاطئة في المجتمع خاصًة المتعلقة بالزواج.

وقال أحمد فهمي: «عمري ما أقهر حد هو في احتياج ليا حتى بنظرة، وعمري ما أفكر إن حد شغال عندي عشان عيب جدًا.. ودي كسرت الايجو جوايا».

وتابع حديثه، خلال تصريحات تليفزيونية: «كنت شايف نفسي ناجح جدًا وقت الجامعة، ولكن لما رجعت من أمريكا بقيت بفكر بشكل تاني خالص».

مفهوم الزواج

وحول علاقته بوالده، قال أحمد فهمي: «والدي صاحبي جدًا وأمي ست عافرت كتير .. وعقد طلاق أبويا وأمي ماضي عليه وأنا عندي 19 سنة.. وكلمة متخربش البيت بشوفها دي كلمة جاهلة جدًا لأني بشوف صلاح البيت في الانفصال».

وبشأن مفاهيم المجتمع لمفهوم الزواج، اختتم أحمد فهمي تصريحاته، قائلًا: «إحنا اتربينا أننا ننقي بعض بالشكل ومش غلط الولد يعمل أي حاجة، والدين نفسه مش بيقول كده».