بسبب تراجع نتائج الأهلي.. شوبير يوجه رسالة نارية إلى كولر
علق الإعلامي أحمد شوبير على تراجع نتائج بالنادي الأهلي تحت قيادة المدرب مارسيل كولر والتعادل الأخير مع فريق سموحة في الدوري الممتاز.
وقال أحمد شوبير عبر تصريحات تليفزيونية: «أنا كنت وقفت على كولر والمركب ماشية حلاوة حلاوة و100 فل و14 طيب لما الموج يعلى أيه الحل بقه، هو ده اللي مشفناش فيه كولر لغاية دلوقتي».
وأضاف: «الماتش اللي فات كولر زعل من الجمهور بتاع الأهلي، هو كولر مبيفهمش عربي بس المشجع كان غضبان شوية وواضح جدا في صياحه ضد كولر».
وتابع: «نصيحتي لمستر كولر سد ودانك حط قطن فيها ولا تلتفت لغضب الجمهور ما هو مش كله حلاوة حلاوة، لأ هتبدأ تشوف المر وجمهور الأهلي بيحب المكسب وبس، ولازم تبقى عارف ده».
وواصل: «كولر هيقود المركب ازاي، هنا بقه الحكمة مطلوبة من مستر كولر عشان الأمور تمشي كويس والحدودتة تمشي بشكل كويس عشان إمبارح الخطب اجتمع معاه في وجود لجنة التخطيط وحسام غالي».
واختتم: «الحقيقة الاجتماع كان حاسم وفيه قوة من الخطيب عشان تبقى الأمور واضحة بالنسبة للجميع إن فيه نظام ولوائح داخل الأهلي ولا يجب أن يخرج الفريق عن مساره».
