زوجة الفنان الراحل أشرف مصيلحي تتذكره بهذا الدعاء
حرصت المخرجة منال الصيفي على الدعاء لزوجها الفنان الراحل أشرف مصيلحي، وذلك من خلال حسابها الشخصي بموقع التواصل الاجتماعي فيس بوك.
وشاركت منال الصيفي متابعيها بصورة للنجم أشرف مصيلحي، وكتبت معلقة: "اللهم اغفر له وارحمه، وعافه واعف عنه، ونقه من الخطايا كما ينقى الثوب الأبيض من الدنس، وأبدله دارا خيرا من داره، وأهلا خيرا من أهله، وزوجا خيرا من زوجه، وأدخله الجنة، وأعذه من عذاب القبر، ومن عذاب النار".
ومن ناحية آخرى وجه يوسف نجل الفنان الراحل أشرف مصيلحي رسالة لوالده، وذلك من خلال حسابه الشخصي بموقع الصور الشهير إنستجرام.
وشارك يوسف أشرف مصيلحي على حسابه مجموعة صور تجمعه بوالده، وكتب معلقًا: "الله يرحمك يا أطيب وأجدع وأحن أب في الدنيا وكان نفسي تكون موجود وشايف حب الناس وروحك الحلوة الموجودة في كل حد فينا".
وأضاف: "تشوف الناس كلها بتقول عليك إيه من أصغر واحد لحد أكبر واحد، وأنا فعلًا مش فاكر ولو مرة واحدة أنت عملت حاجة ضايقتني أو حتى شدينا مع بعض زي أي أب وابنه وده عشان إحنا كنا صحاب وكنت بتفهمني وعارف دماغي".
وتابع: "أنا عارف أنك دلوقتي مرتاح أكتر بكتير وأكيد مبسوط وأنت شايفنا كلنا متجمعين وحاسس أكيد بكل المحبة اللي كانوا موجودين اليومين دول وهيفضلوا موجودين على طول، ودلوقتي أنا هعرف اتكلم معاك وعارف أنك هتسمعني يمكن أكتر من آخر فترة كنت موجود وسطنا عشان كنت تعبان فا مش بعرف اتكلم معاك، أنا عايزك تعرف إني بحبك أوي وهفضل شايل اسمك وأنا فخور إنك أبويا لحد لما أجيلك إن شاء الله.. بجد بحبك أوي يا بابا وعارف أنك أكيد في الجنة إن شاء الله".
