بيومي فؤاد يرفض الصلح مع محمد سلام.. اعرف التفاصيل

علمت بوابة مصر 2030 من مصدر خاص ضمن فريق عمل مسلسل الكبير أوي الجزء الثامن، أن الصلح بين بيومي فؤاد ومحمد سلام قد فشل، خاصة بعدما رفض كل منهما الجلوس مع الآخر لحل الخلاف.

ويتجه صناع الجزء الثامن من مسلسل الكبير أوي إلى عدم الجمع بين محمد سلام وبيومي فؤاد في مشاهد واحدة، وذلك لتفادي حدوث أي مشادات بينهما.

وتعود تفاصيل الأزمة بين محمد سلام وبيومي فؤاد عندما اعتذر الأول عن المشاركة في مسرحية بموسم الرياض بسبب تعاطفه مع أحداث غزة، ليرد عليه بيومي فؤاد الذي قال باكيًا: "أنا وكل زملائي بنحبكم وهنفضل طول عمرنا نحترمكم، كتر خيركم إحنا بنتعب وبنقدم فن مش عشان نيجي نضحك، ولو الموضوع كدة يبقى فيه فنانين من أيام نجيب الريحاني لغاية محمد أنور المفروض ينتحروا، تحياتي لحضراتكم، وأنا آسف".

وتابع بيومي فؤاد: "إحنا اتظلمنا واتهنا وإحنا جايين نقدم فن، اقسم بالله احنا مش بتوع فلوس، ووالله العظيم لو العرض ده اتعمل بدون أجر لمدة 15 يوم كمان هيبقى لينا شرف وفرحانين جدًا، وسيادة المستشار يعلم ده".

وأضاف: "جيت المملكة العربية السعودية وليا الشرف عشان نقدم فننا مش جايين نضحك، واحنا نحترمكم شيء عظيم إن الفنان يبقى له جمهور في كل الدول شيء عظيم إني اتصور مع شاب سعودي أو سيدة سعودية، أنا بشرف بلدي من حقك تعتذر عن المسرحية لكن مش من حقك تغلط في فنك".