كاملة أبو ذكري: «تدخل الفنان في عمل المخرج قلة أدب»
حلت المخرجة كاملة أبو ذكري ضيفة على برنامج حبر سري مع أسما إبراهيم، وأوضحت رأيها في تدخل الممثل بعمل المخرج وترشيح الأبطال.
وقالت كاملة إن تدخل الفنان في عمل المخرج هو أمر غير مقبول تمامًا، ولم يحدث أن واجهت هذا الموقف من قبل، إذ قالت: "تدخل الفنان في عمل المخرج قلة أدب ومحصلش معايا ولكن بسمع إن في ممثلين بيتدخلوا في اختيار الممثلين اللي قدمهم واختيار الكاميرا وكتابة السيناريو".
وتابعت: "اشتغلت مع نجوم كبار وعمري ما شفت عادل إمام بيتدخل في الإخراج أو في السيناريو، وده اللي بوظ الدنيا دلوقتي، والمفروض كل واحد كان عارف شغلته".
وأضافت: "المخرج اللي بيوافق على كده علشان عايز يشتغل ويرضي النجم ومش عايزين حد يقول دمه تقيل بيبقى مخرج ضعيف والقصة مش زعيق ولا فرض رأي، ولكن المخرج هو المسئول عن كل حاجة هو القائد".
