إلهام شاهين: أرفض قيود الرقابة وكل المواضيع أصبحت تناقش على السوشيال ميديا

قالت الفنانة إلهام شاهين، فى تصريحات تلفزيونية، إنها ترفض قيود الرقابة لمناقشة بعض المواضيع خلال الأعمال الفنية، مؤكدة أن لها تاريخ كبير بالفن ولديها رقابة داخلية تحدد من خلالها ما يصلح مناقشته بعمل فني وعرضه للمجتمع من عدمه.

وتابعت إلهام: "لازم يكون فيه ثقة فينا، أنا عندي خبرة كبيرة في الفن وعندي رقابة داخلية وأقدر أعرف إيه المسموح وإيه غير المسموح للمجتمع، مينفعش يكون فيه أي جهات أوصياء على المجتمع يشوف إيه وميشوفش إيه، ما لو مشافهوش عندك هيشوفوه في المنصات اللي بقت مفتوحة على العالم كله".

وأضافت إلهام شاهين: "فيه شباب قالوا لو بتخافوا تناقشوا مواضيع في السينما هناقشها على السوشيال ميديا، الدنيا انفتحت جدًا والسوشيال ميديا الناس بتناقش فيها كل حاجة، لو هنحجم هيتفرجوا عليها على المنصات"

وأردفت إلهام شاهين: "صلاحية المواضيع انتهت والمفروض يتجدد والتجديد ده مش محتاج مننا إننا نروح تاني الرقابة ونناقش، وتفاجئت أن في موضوع اترفض وحسيت إن فيه شيء من التعنت".