خدروه وأخدوا 2 مليون جنيه.. زوجة حلمي بكر تكشف تفاصيل تعرضه لعملية نصب

قالت سماح القرشي، زوجة الموسيقار الكبير حلمي بكر، إن زوجها تعرض بالفعل لعملية نصب من جانب مدير أعماله بعدما حصل على توقيعه بدون علمه واستولى على قرض بقيمة 2 مليون و280 ألف جنيهًا.

وأضافت زوجة حلمي بكر، في مداخلة هاتفية ببرنامج «تفاصيل»، المذاع على قناة البلد 2، قائلة: «في أول شهر 9 قالي إن الفلوس اللي في البنك مش موجودة، ورحنا البنك مع أستاذ حلمي بنفسه، ومعانا حد من أصدقائه، واكتشفنا إنه ماضي على قرض بـ 2 مليون و280 ألف جنيه، وإحنا ماستلمناش الفلوس دي محصلش».

وأضافت: «ولما سألنا إزاي ده حصل.. جبنا الأوراق اكتشفنا إن المستفيد من الشيك واحد اسمه نور، واللي كان مدير أعماله وكان بيطلع معاه في الحلقات التليفزيونية، وكان معاه في مستشفى أثناء فترة مرضه».

وأشارت إلى أنهم قاموا بتحرير محضرًا بالواقعة؛ لأنها سرقة ولم يوقع زوجها على الأوراق الخاصة بالقرض على الرغم من تأكيد البنك على أنها توقيعه وإمضاءه، ومن الواضح أنه تم تخديره أثناء تواجده معه في المستشفى على حد قولها.