شاكوش لـ محمود العسيلي: «المهرجانات لو رجعت هتقعدكم في بيتكم»
حرص مؤدي المهرجانات حسن شاكوش أن يرد على النجم محمود العسيلي بعد تصريحاته الأخيرة التي قال فيها إن المهرجانات تراجعت بسبب ظهور الراب والتراب.
وأضاف العسيلي: "حمو بيكا وعمر كمال وشاكوش موجودين ونجاحهم في وقت ما كان كبير لكن دلوقتي بينجحوا في حاجات وحاجات لا مش زي الأول هي بتبقى ظواهر، والشاطر هو اللي يتحول ويكون له شكل خاص به ميبقاش ظاهرة بس معظم مطربي المهرجانات مش بيعملوا كده".
وخرج شاكوش في بث مياشر على حسابه الشخصي بموقع الصور الشهير إنستجرام قال خلاله: "الناس ما بتصدق تسمع أغنية شعبي ليا أو لأى مطرب شعبي زي حمو بيكا وعمر كمال، وبيحبوا يسمعوا الأغاني بتاعتنا عشان بنطلع الواحد من المود".
وتابع: "كل نجم ليه وقت، ولازم ياخد هدنة بس لما بيرجع بيطلع حاجات هتقعدكم في بيتكم وإحنا مجال المزيكا بتاعتنا والمهرجان والغنوة الشعبي ده مش هيموت، الناس تعبت من كتر الاكتئاب، والأغاني اللى بتجيب الاكتئاب وبتجيب ملل وبتعقد الناس".
