كامل الوزير عن حادث محور كامل عامر: طالبوا بإعدامي والكوبري موقعش والله

رد الفريق كامل الوزير وزير النقل لأول مرة، على ما تردد حول انهيار محور كمال عامر، قائلا: "أنا آسف بس مش عاوز أقول في شوية ناس مش بيفهموا ولكنهم يرموا شوية تراب على الحاجة الحلوة".

وقال خلال مداخلة هاتفية مع الإعلامي أحمد موسى، مقدم برنامج على مسئوليتي، المذاع على قناة صدى البلد: الناس إمبارح قالوا ألحق الكوبري وقع واعدام كامل الوزير وصرف 2 مليار جنيه على الكوبري ووقع.

وأضاف: أنا المسئول عن كل كباري مصر ولكن مفيش حاجة انهارت ولا وقعت، و اللي اتقلب الكمر كانت على ونش بيركبها وكانت بعيد عن الشارع في آخر منزل للكوبري اللي شغال تجريبي ولا تشكل خطورة على الناس.

واختتم: مهما نقول اللي كارهينا كارهينا وربنا يهديهم ويقدرنا ونعمل حاجات كتيرة لبلدنا تحت إشراف رئيسنا في الولاية اللي انتخبه فيها الشعب الأصيل اللي فاهم.