الرئيس السيسي يكشف أسباب ارتفاع أسعار اللحوم

كشف الرئيس عبد الفتاح السيسي سبب ارتفاع أسعار اللحوم، قائلًا: «النهارده الناس بتسأل اللحمة غالية»، مردفًا: «طيب غالية ليه؟ لأن بأكل الماشية وتنتجلي نص لحم في اليوم وممكن حاجة تانية تاكل نفس الأكل وتجيب أكتر من كيلو في اليوم».

وأضاف السيسي، خلال افتتاح مصنع اليوريا ونترات الأمونيا بمنطقة كيما بمحافظة أسوان، قائلًا: «قولت قبل كده اللي عنده رأس ماشية بتجيب 6 كيلو لبن وبيأكلها نفس الأكل اللي بتاكله رأس أخرى تجيب 30 كيلو أو أكتر يبقى بيظلم نفسه».

وتابع: «إحنا قولنا هنحط في موضوع الماشية فلوس علشان نجيب سلالات أفضل»، متسائلًا: «هل اللي بأكله يديني في اليوم نص كيلو لحم ولا كيلو وشوية؟ لازم الدولة تشمر دراعاتها وتقول إحنا عندنا برنامج نعمل بيه التحول ده، لأن الفلاح في مصر بيظلم نفسه إذا استمر في تربية الماشية ضعيفة الإنتاج».

وتفقد الرئيس السيسي، محطة سكك حديد أسوان، حيث يشهد تدشين الوحدات المتحركة الجديدة بمختلف أنواعها من قاطرات وعربات السكك الحديد.